Aqtóbede mektep dırektory iz-túzsiz joǵalyp ketti
AQTÓBE. QazAqparat - Aqtóbe oblysynyń Alǵa aýdanyndaǵy Qaraqudyq orta mektebiniń dırektory joǵalyp ketti, dep habarlaıdy QazAqparat tilshisi.
Qaraqudyq aýylynan túsken habarlama boıynsha 31 jastaǵy Baqtygereı Tájmaǵambetov pen 30 jastaǵy Nurjan Mahanov ótken senbi kúni balyq aýlaýǵa shyǵyp, úıge qaıta oralmaǵan. Aqtóbelik eriktiler búgin ózen jaǵasyn tintip shyqty.
«Týystary habarlasyp, úsh kúnnen beri baılanysa almaǵanyn aıtty. Búgin eriktiler olar demalǵan ózen jaǵasyna baryp, biriniń kúrtesin tapty. Sondyqtan eriktiler olardy ózennen izdeý kerek dep esepteıdi», - deıdi eriktiler tobynyń jetekshisi Ekaterına Golotına.
