Aqtóbede mektep dırektorlarynan keıin bas dárigerler jaıly kabınetterin bosatady
AQTÓBE. QazAqparat - Aqtóbede mektep dırektorlary birinshi qabatqa túsip, shaǵyn kabınetterge ornalasty. Endi memlekettik mekeme basshylary men bas dárigerler tómengi qabattan oryn izdeıdi, dep habarlaıdy QazAqparat tilshisi.
Aqtóbe oblysynda mektep dırektorlary oqýshylarǵa kabınetin bosatyp berip, ózderi tómengi qabatqa ornalasyp jatyr. Qazirgi ýaqytta 399 mektep dırektorynyń 279-y kabınetin oqýshylarǵa berip, kelýshi tez tabatyn oryndarǵa jaıǵasty. Aqtóbe oblysy ákiminiń orynbasary Oljas Smaǵulovatyń aıtýynsha, mekteptermen qatar kolledj dırektorlary áınekten jasaýǵan kabınetterde otyratyn bolady.
«Mektep dırektorlarynan keıin memlekettik mekeme basshylary men aýrýhana, emhanalardyń bas dárigerleri halyqqa jaqyn otyrady», - dedi Oljas Smaǵulov.
Aıta keteıik, qazirgi ýaqytta mektep dırektorlarynyń 80-i derbes jaýapkershilik kelisimin jasady. Eger muǵalimderdiń biri sybaılas jemqorlyqqa jol berse, dırektor da oǵan jaýapty. Qazirgi ýaqytta oblys boıynsha 259 memlekettik mekeme basshysy osy kelisimge qol qoıǵan.
