Aqtóbede mektep dırektorlary bastaýysh synyp oqýshylaryna kabınetin bosatyp berdi
AQTÓBE. QazAqparat - Aqtóbelik oqýshylar mektep dırektorlarynyń keń kabınetine jaıǵasty, dep habarlaıdy QazAqparat tilshisi.
Aqtóbede buǵan deıin tar synypta sabaq oqyǵan oqýshylar endi dırektordyń keń kabınetinde bilim alady. «Aqtóbe - adaldyq alańy» jobalyq keńsesiniń usynysyn №35 mektep dırektory Erjan Baqytbek birden qabyldady. Al dırektor 1-qabattaǵy áınekten jasalǵan bólmede otyrady. Ashyq ári qoljetimdi bolý usynysyn basshy birden qabyldady. Endi dırektor oqýshylardyń sabaqqa qatysýyn, tártibin qarap otyrady. Qaýipsizdik te eskerildi. Ata-analar da dırektordyń jumysymen tanysa alady.
«Aqtóbe - adaldyq alańy» jobasy aıasynda dırektorlarǵa keń de jaıly kabınetin balalarǵa berip, birinshi qabatqa ornalasý usynysy tastaldy. Búgin №20, 22, 35, 36, 38 jáne Qyzyljar orta mektebiniń dırektorlary birinshi qabatqa tústi. Keń kabınetterde balalar bilim alatyn bolady», - dedi QR Memlekettik qyzmet isteri jáne sybaılas jemqorlyqqa qarsy kúres is-qımyl agenttiginiń oblystyq departament basshysynyń orynbasary Rafhat Bısenov.
Al oblystyq bilim basqarmasynyń basshysy Lázzat Orazbaeva usynysty qoldady. Aldaǵy ýaqytta mektepter men kolledj dırektorlary túgel birinshi qabatqa ornalastyrylady.
