Aqtóbede mektep bitiretin synyp oqýshylary dástúrli oqý formatyna kóshti
AQTÓBE. QazAqparat – Aqtóbede 9 jáne 11-synyp oqýshylary dástúrli oqý formatyna kóshti, dep habarlaıdy QazAqparat tilshisi.
Aqtóbe oblysynda barlyǵy 400-den astam mektep bar. Onda 160 myńǵa jýyq bala bilim alyp júr. Ótken II toqsanda oqýshy sany 300-den aspaıtyn 226 mektep mektep shtattyq rejımde jumys istedi. Ondaǵy oqýshylar kontıngenti - 19 263. 1-4-synyptarda ata-analardyń ótinishteri boıynsha 3442 kezekshi synyp ashyldy. Onda 44 myńnan astam oqýshy bilim aldy. Al 5-synyptarda 185 kezekshi synyp jumys istep, 2 243 bala oqydy. Al búginnen bastap 9 jáne 11 synyp oqýshylary aralas formatta oqıdy.
«Matematıka, qazaq tili, orys tili, shet tili, fızıka, hımııa, bıologııa, algebra, geometrııa, tarıh jáne t.b. pánder mektepte oqytylady. ıAǵnı, barlyq pánniń 70% shtattyq formatta ótedi. Mektepterde ıkemdi sabaq kestesi jasalyp, sabaq arasyndaǵy úzilis ártúrli ýaqytta uı̆ymdastyryldy. Sondaı̆-aq áleýmettik araqashyqtyqty saqtaý úshin aýysymdar sany kóbeı̆tilip, pánderdiń 30 paıyzy qashyqtan oqytylady. Oblysymyzdyń 13 myńnan astam oqýshysy shtattyq formatqa aýysty. Onyń ishinde 8 myńnan astamy 9-synyp, 5 myńnan astamy 11-synyp oqýshysy. Muǵalimder men ata-analardyń pikirin eskere otyryp, dástúrli formatta oqýǵa múmkindigi joq oqýshylarǵa jeke konsýltatsııa ótkiziledi. Konsýltatsııalyq sabaqtardy ótkizý úshin arnaıy top qurylady. Ondaǵy oqýshy sany besten aspaıdy», - dedi oblystyq bilim basqarmasynyń basshysy Lázzat Orazbaeva.
