Aqtóbede mektep avtobýsy júk kóligimen soǵylyp, bir adam kóz jumdy

AQTÓBE. QazAqparat - Aqtóbede mektep avtobýsy qarsy jolaqqa shyǵyp, júk kóligimen soqtyǵysty. Saldarynan júrgizýshi oqıǵa ornynda kóz jumdy, dep habarlaıdy QazAqparat.

Aqtóbe oblystyq PD baspasóz qyzmetiniń habarlaýynsha, oqıǵa 28 jeltoqsan kúni saǵat 20:00 shamasynda boldy. Aqtóbe-Astrahan tasjolynyń Temir aýdany Jaqsymaı aýylynyń mańynda «PAZ» markaly mektep avtobýsynyń 62 jastaǵy júrgizýshisi ekinshi qarsy jolaqqa shyqqan kezde negizgi jol boıymen kele jatqan kólik quralyna jol bermegen.

«DAF» júk kóligimen soqtyǵysqan kezde avtobýs júrgizýshisi alǵan jaraqattarynan sol jerde mert boldy. Avtobýs salonynda júrgizýshiden basqa eshkim bolmaǵany anyqtaldy. QR QK 345-babynyń 3-bóligi boıynsha sotqa deıingi tergeý bastaldy«,- dedi oblystyq PD baspasóz qyzmetiniń jetekshisi.

Foto: Aqtóbe oblystyq PD