Aqtóbede mektep avtobýstary jańa oqý jylyna qanshalyqty daıyn

AQTÓBE. QazAqparat – Aqtóbe qalasynda birneshe mekteptiń oqýshysy tasymaldanady. Búgin oblystyq polıtsııa departamenti avtobýstardyń tehnıkalyq jaramdylyǵyn tekserdi, dep habarlaıdy QazAqparat tilshisi.

Aqtóbe oblysy boıynsha oqýshylardy tasymaldaýǵa arnalǵan barlyǵy 43 avtobýs bar. Onyń 18-i bıyl jańartylýy tıis.

Sóıtip aldaǵy eki jylda balalardy mektepke, mektepten úıge tasymaldaıtyn avtobýstar jańalanady.

«Mektep avtobýstary jeti talap boıynsha tekserildi. Avtobýstyń eki esigi de ashylyp, «Abaıla balalar» jazýy, arnaıy belgisi bolýy qajet. Sary tústi eskertý belgisi ornatylyp, eki órt sóndirý qurylǵysyn alyp júrýi tıis. Sonymen birge eki dári-dármek qobdıshasy suralady. Munyń bári balalar qaýipsizdigi úshin arnalǵan shara», - dedi oblystyq PD bastyǵynyń birinshi orynbasary Qanat Álıev.

Óńirdegi mektep avtobýstarynyń 80 paıyzy balalardy tasymaldaýǵa daıyn. Ózgesinde kishigirim tehnıkalyq qatelikter bar.

Polıtsııa qyzmetkerleri nusqama berdi.

Aqtóbe qalalyq bilim bóliminiń habarlaýynsha, qaladaǵy 85 mekteptiń 25-inde balalar tasymaldanady.

11-i mektepte óz avtobýsy bolsa, ózgesi jaldamaly.

«Árbir avtobýsta mektep tárbıeshisi bolady. Olar balanyń qaýipsizdigine jaýapty. Aldaǵy ýaqytta jaldamaly mektep avtobýstarynyń ornyna jańasyn satyp alý suraǵy qaralady», - qalalyq bilim bóliminiń bas mamany Uljan Orynbaeva.