Aqtóbede mektep ashanalarynda durys tamaqtaný rejımi engizilip jatyr
AQTÓBE. QazAqparat - Aqtóbede mektep ashanalarynda durys tamaqtaný rejımi engizilip jatyr. Joba jańa oqý jylynan bastalady, dep habarlaıdy QazAqparat tilshisi.
«Atameken» jobasy mektepte oqýshylardy durys tamaqtandyrý maqsatyn kózdeıdi. Biz Orynbordaǵy «Podrostok» mekteptegi tamaqtaný kombınatynyń tájirıbesin paıdalanamyz. Jańa oqý jylynan bastap Aqtóbeniń bes mektebinde oqýshylar sapaly tamaqpen qamtylady. Olarǵa birinshi, ekinshi tamaq jáne pisirilgen nan ónimderi beriledi. Tólem qolma-qol aqshasyz, ata-analar toltyryp otyratyn kartalar arqyly iske asyrylady. Demek, bala aqshasyn densaýlyǵyna zııandy tamaqtarǵa jumsaı almaıdy ári urlatyp alýdan da aýlaq bolady», - deıdi «Atameken» meıramhana kesheniniń dırektory Qalýasha Sadyqova.
Sonymen qatar Q. Sadyqova tamaqtyń baǵasy balalar úshin qoljetimdi bolatynyna sendirip otyr, budan tys tabysy az otbasylardyń balalaryna jeńildikter de qarastyrylǵan.
Bıyl osy shara Aqjar, Qyzyljar, Novyı, Avıator kentterindegi, GMZ aýdanyndaǵy bes mektepte pılottyq joba retinde qol alynyp otyr. Eger joba sátti iske assa, ol qalanyń basqa mektepterinde de qoldanylady.
