Aqtóbede medıtsınalyq qujattar qurylys qaldyqtarynyń arasynan tabyldy
ASTANA. KAZINFORM – 3 tamyzda áleýmettik jelide Aqtóbe qalasynyń turǵyny túsirgen beınejazba jarııalandy. Kadrlarda qala syrtyndaǵy dalalyq aýmaqqa qoqys úıindisiniń tógilgeni kórinedi.
Qurylys qaldyqtarynyń arasynan Aqtóbedegi medıtsınalyq mekemelerdiń birine tıesili qyzmettik qujattar, onyń ishinde birneshe esepke alý jýrnaly tabylǵan.
Jarııalanymǵa baılanysty polıtsııa qyzmetkerleri dereý tekserý júrgizdi. Nátıjesinde atalǵan medıtsınalyq mekemeniń jaýapty tulǵalary eldi mekenderdi abattandyrý qaǵıdalaryn buzǵany anyqtaldy.
Quqyq buzýshylarǵa qatysty Qazaqstan Respýblıkasy Ákimshilik quqyq buzýshylyq týraly kodeksiniń 505-baby boıynsha ákimshilik hattama toltyryldy.
Sonymen qatar ýchaskelik polıtsııa ınspektorlary jaýapty tulǵalarmen profılaktıkalyq túsindirý jumystaryn júrgizdi. Qabyldanǵan sharalardyń nátıjesinde medıtsınalyq mekeme ókilderi zańsyz tógilgen qoqysty óz kúshterimen jınap, aýmaqty tazartty.
Aıta ketelik bıyl Astanada 122 zańsyz qoqys orny anyqtalǵan edi.
