Aqtóbede medıtsına salasy boıynsha grant ıegerleri anyqtaldy

ASTANA. KAZINFORM — «Bakalavrıat» jáne «Rezıdentýra» baǵyty boıynsha óńirge qajetti mamandardy daıarlaýǵa arnalǵan granttardyń ıegerleri anyqtaldy. Barlyǵy 87 ótinish qabyldanǵan, dep habarlaıdy Aqtóbe oblysynyń ákimdigi.

Búgin oblys ákimi Ashat Shaharovtyń tóraǵalyǵymen jergilikti bıýdjetten bólinetin granttardyń ıegerlerin anyqtaý boıynsha komıssııa otyrysy ótti. Komıssııa músheleri qujattardy qaraı kele, tómendegideı sheshim shyǵardy.

— «Bakalavrıat» baǵyty boıynsha bólingen 5 orynǵa — 41 ótinish túsken: medıtsına mamandyǵyna — 22; pedıatrııa mamandyǵyna — 11; stomatologııa mamandyǵyna — 8 talapker qujat tapsyrǵan. «Pedıatrııa» mamandyǵy boıynsha 2 úmitkerdiń arasynda birdeı konkýrstyq ball kórsetkishi tirkeldi. ıAǵnı ekeýiniń de jınaǵan baly — 98, ekeýi de úzdik attestatqa ıe, sondaı-aq qalalyq, oblystyq jáne respýblıkalyq olımpıadalardyń jeńimpazdary. Ádildik jáne teń múmkindik qaǵıdattaryn saqtaý maqsatynda eki abıtýrıentke de jergilikti atqarýshy organnyń grantyn taǵaıyndaý týraly sheshim qabyldandy, — delingen habarlamada.

«Rezıdentýra» baǵyty boıynsha bólingen 45 orynǵa 46 ótinish qabyldandy. 18 mamandyqqa talapkerler qujat tapsyrsa, kórsetilgen 9 mamandyqqa úmitkerler ótinish bildirmegen. Sondyqtan, bos grant oryndary qaıta bólindi. Atap aıtqanda, akýsherııa jáne gınekologııaǵa (eresekter, balalar) 2 oryn, oftalmologııaǵa (eresekter, balalar) 3, radıologııaǵa 4, fızıkalyq medıtsına jáne reabılıtatsııaǵa 3, endokrınologııaǵa (eresekter, balalar) 1, allergologııa jáne ımmýnologııaǵa (eresekter, balalar) 1, psıhıatrııaǵa (eresekter, balalar) 1 oryn.

Jergilikti grantqa úmitkerlerden qujat qabyldaý Marat Ospanov atyndaǵy medıtsına ýnıversıtetiniń bazasynda júrgizilgen edi.

Grant ıegerleriniń tizimin siltemege ótip kórýge bolady.