Aqtóbede medıtsınalyq ýnıversıtettiń stýdenti belgisiz jaǵdaıda kóz jumdy
AQTÓBE. QazAqparat - Aqtóbe qalasyndaǵy Marat Ospanov atyndaǵy Batys Qazaqstan memlekettik medıtsınalyq ýnıversıtetiniń stýdenti Eset Nurdáýlet oqý ornynyń ǵımaratynda kóz jumdy. Jedel járdem qyzmeti 2 mınýtta jetkenimen, úlgere almaǵan, dep habarlaıdy QazAqparat tilshisi.
Ol jalpy medıtsına fakýltetiniń 2 kýrsynda bilim alǵan. Belsendi jas sol kúni mádenı sharaǵa qatyspaq bolypty. Ol án aıtqandy jany súıgen. Fýtbol oınaǵandy unatqan eken. Kóńildi, alǵyr stýdent bolǵan. Biraq demikpe dertine shaldyqqan.
«Túski mezgilde medıtsınalyq ýnıversıtetten shaqyrtý tústi. Eki mınýtta oqıǵa ornyna jetkenimizben 19 jastaǵy jigit jedel járdem brıgadasy kelmeı kóz jumǵan. Qaıǵyly jaǵdaıdyń sebebi medıtsınalyq saraptamadan soń anyqtalady», - dedi Aqtóbe qalalyq jedel járdem beketi bas dárigeriniń orynbasary Dastan Shyntasova. 
