Aqtóbede medıtsınalyq-farmatsevtıkalyq klaster qurylady
Aqtóbe oblysynyń ákimi Eraly Toǵjanov óńirge jumys saparymen kelgen «SQ-Farmatsııa» JShS basqarma tóraǵasy Erhat Esqalıevpen kezdesti.
Júzdesýde Aqtóbede medıtsınalyq-farmatsevtıkalyq klasterin qurý jaıy sóz boldy. Klaster qoldanystaǵy jáne jańa dárilik zattardy óndiretin, medıtsınalyq tehnıkany shyǵaratyn ınnovatsııalyq kásiporyndardy, ǵylymı-zertteý ınstıtýttaryn, joǵary oqý oryndaryn, tehnoparkter men basqa da uıymdardy biriktirýge jáne qurýǵa múmkindik beredi. Olardyń barlyǵy bir-birimen baılanysta bolmaq. Bul jeke kompanııalardyń jáne jalpy klasterdiń básekelestik artyqshylyǵyn nyǵaıtady. Jobany iske asyrýǵa álemdegi jetekshi medıtsınalyq jabdyqtar men dári-dármek óndirýshiler, medıtsınalyq kompanııa, ortalyqtar men ǵylymı ınstıtýttar tartylady.
«Búgingi tańda ınnovatsııalyq ónimderdi óndirýge, densaýlyq saqtaý salasyn tehnologııalar transferti, ony tsıfrlandyrý baǵytynda ilgeriletýge, sondaı-aq klasterlik bastamany damytýǵa erekshe mán berilip keledi. Óndiristik alańdar men jetekshi medıtsınalyq joǵary oqý oryndary Astana jáne Shymkent qalalarymen birge Aqtóbe qalasynda da bar. Bul úsh óńir – medıtsınalyq-farmatsevtıkalyq klaster qurýǵa eń qolaılysy jáne tartymdysy», — dedi Erhat Esqalıev.
Oblys ákimi bastamaǵa óńirlik deńgeıde jan-jaqty qoldaý bolatynyn alǵa tartty.
«Biz densaýlyq saqtaý salasyna ınvestıtsııalar tartyp, ozyq tehnologııalar men ınnovatsııalardy engizýge, joǵary tehnologııalyq medıtsınalyq tehnıka óndirisin Aqtóbede shoǵyrlandyrýǵa, farmatsevtıkalyq óndiristi damytýǵa, dárigerlerdiń biliktiligin arttyrýǵa múddelimiz. Biz osy baǵyttar boıynsha jumysty qoldaýǵa daıynbyz», - dep atap ótti Eraly Toǵjanov.
Bastamany odan ári damytý jáne ilgeriletý maqsatynda jumys tobyn qurý týraly sheshim qabyldandy. Onyń quramyna birqatar memlekettik organdardyń, Aqtóbe joǵary oqý oryndarynyń, «SK-Farmatsııa» JShS jáne t.b. ókilderi kiredi. Jumys tobynyń músheleri qysqamerzim ishinde jobany júzege asyrý boıynsha Jol kartasyn ázirleýi tıis.
