Aqtóbede medıtsınalyq betperde baǵasy kóterilmeıdi
AQTÓBE. QazAqparat – Aqtóbede medıtsınalyq betperde baǵasy óspeıdi. Búgin úshjaqty memorandýmǵa qol qoıyldy, dep habarlaıdy QazAqparat tilshisi.
Aqtóbe oblysynda oblys ákimdigi, Farmatsevtıkalyq qyzmetti qoldaý jáne damytý qaýymdastyǵynyń atalǵan qaýymdastyqqa kirmeıtin sýbektileri jáne oblystyq taýarlar men kórsetiletin qyzmetterdiń sapasy jáne qaýipsizdigin baqylaý departamentiniń arasynda medıtsınalyq betperdeniń baǵasyn ustap turý máselesi boıynsha úshjaqty memorandýmǵa qol qoıyldy.
«Qujat taraptardy bólshek saýda jelisindegi bir dana betperde baǵasyn 30 teńgeden, kóterme qoımalardaǵy baǵany 15 teńgeden ósirmeýdi mindetteıdi. Aqtóbe oblysyndaǵy dárihanalar men kóterme qoımalarynda 166 000 medıtsınalyq betperde bar. Taǵy 136 000 danasyna tapsyrys berildi», - dedi oblystyq Taýarlar men kórsetiletin qyzmetterdiń sapasy men qaýipsizdigin baqylaý departamenti basshysynyń orynbasary Sábıt Eskendirov.
