Aqtóbede medıtsına qyzmetkerlerine páter men kólik berildi
Aqtóbe qalasynyń ıAsnyı aýylynda búgin dárigerlik ambýlatorııa paıdalanýǵa berildi. Joba quny - 90 mln teńge. Munda terapevt, akýsher-gınekolog, ftızıatr mamandar jumys isteıdi, zerthanalyq taldaýlar júrgiziledi.
Sonymen qatar, medıtsına qyzmetkerleri kúni qarsańynda Aqtóbe medıtsına ortalyǵy ǵımaratynda murajaı ashyldy. Mýzeı densaýlyq saqtaý salasynyń damý tarıhyn zertteýge múmkindik beredi.
Keıin óńirdegi aq halattylardy quttyqtaý rásimi ótti. Densaýlyq saqtaý salasynyń 44 qyzmetkeri QR Densaýlyq saqtaý mınıstrliginiń maqtaý qaǵazdarymen jáne qurmet gramotalarymen marapattalyp, 12 dáriger «Eńbek ardageri» jáne «Altyn dáriger» medalin ıelendi.
Sondaı-aq, osy kúni medıtsına mekemeleriniń bas dárigerlerine 20 jańa avtokóliktiń kilti tabys etildi. Kólik quraldary aýdandyq ortalyq aýrýhanalar men jeti qalalyq ambýlatorııanyń avtoparkin tolyqtyrdy.
«Halyq densaýlyǵy - mańyzdy kórsetkish jáne kez kelgen memlekettiń damý ındıkatory. Tuńǵysh Prezıdenttiń Qazaqstan halqyna joldaýynda medıtsınalyq qyzmet kórsetý men azamattardyń densaýlyǵyn jasartý memlekettik mańyzdylyqtyń basym mindeti bolyp jarııalanǵan. 2018 jyldyń qorytyndysy boıynsha jáne 2019 jyldyń birinshi jarty jyldyǵynyń ishinde halyq densaýlyǵynyń negizgi ındıkatorlary boıynsha Aqtóbe oblysynda oń dınamıka baıqalatyny qýantady. Ómir súrý uzaqtyǵy 73,4 jasqa deıin uzarǵan. Memlekettiń qýatty qoldaýynyń arqasynda medıtsınalyq qyzmetterdiń sapasy men qol jetimdiligin arttyrý jumystary jalǵasatyn bolady», - dedi oblys ákimi Ońdasyn Orazalın.
Oblys ákiminiń baspasóz qyzmetiniń habarlaýynsha, óńir basshysy Ońdasyn Orazalın tórt jas mamanǵa 500 myń teńgeniń grantyn berip, medıtsına salasynyń tórt ókiline páter kiltin tabys etti. Kópbalaly taǵy bes qyzmetker 400 myń teńgeden 1,7 mln teńge kólemindegi turǵyn úı sertıfıkatyn aldy. Olar bul qarjyny memlekettik turǵyn úı baǵdarlamalary aıasynda jeńildetilgen ıpotekalyq nesıe alý úshin bastapqy jarna retinde tóleıtin bolady.
