Aqtóbede maınıngtik fermalarǵa jer telimderin zańsyz berý deregi anyqtaldy

AQTÓBE. QazAqparat – «Aqtóbe» ındýstrıaldy aımaǵynda maınıngtik fermaǵa jer telimi berilgen. Qazir prokýratýra tergeýdi bastady, dep habarlaıdy QazAqparat tilshisi.

«Aqtóbe» ÁKK» AQ ındýstrııalyq aımaq aýmaǵynda maınıngtik qyzmetti júzege asyratyn eki seriktestikke jer telimderi jalǵa berilgen.

«Qoldanystaǵy zańnamaǵa sáıkes ındýstrııalyq aımaqtardaǵy jer tek ónerkásip, agroónerkásiptik keshen jáne kólik logıstıkasy salasyndaǵy ınvestıtsııalyq jobalar úshin beriledi. Qazirgi ýaqytta prokýratýra zańsyz berilgen jer telimderdi memlekettik qorǵa qaıtarý boıynsha sharalar qabyldap jatyr. Budan basqa, Ekonomıkalyq tergeý departamenti «Aqtóbe» ÁKK» AQ qyzmetkerlerine qatysty laýazymdyq ókilettikterdi teris paıdalaný faktisi boıynsha sotqa deıingi tergep-tekserý júrgizip jatyr», - dep habarlady oblystyq prokýratýranyń baspasóz qyzmeti.