Aqtóbede maıdangerdiń úıiniń aldynda orkestr án shyrqady

None
None
AQTÓBE. QazAqparat - Aqtóbede áskerı orkestr 95 jastaǵy ardagerdiń úıiniń aldynda soǵys jyldarynyń ánderin oryndady, dep habarlaıdy QazAqparat tilshisi.

Búgin QR Іshki ister mınıstrligi M.Bókenbaev atyndaǵy Aqtóbe zań ınstıtýty jáne Talǵat Bıgeldınov atyndaǵy áýe qorǵanysy kúshteri áskerı ınstıtýty soǵys ardagerine qurmet kórsetti. Oblystyq Polıtsııa departamentiniń qyzmetkerleri uıymdastyrǵan shara kezinde áskerı ınstıtýt orkestri ónerin usyndy. Olar Aqtóbe qalasyndaǵy Shernııaz kóshesinde turatyn soǵys jáne ishki ister organdarynyń ardageri Mıhaıl Dıdenkoǵa bardy. Orkestr soǵys jyldaryndaǵy ánderdi oryndady. Al ardager ándi balkonda turyp tyńdady.


«Biz jyl saıyn soǵys ardagerine qurmet kórsetemiz. Bul, jas urpaqtyń paryzy dep esepteımiz. Qazir sanıtarııalyq talapty saqtaý mańyzdy. Sondyqtan soǵys ánderi tek aýla ishinde oryndaldy. Bıyl ardager 95 jasqa toldy. Ol Qyzyl juldyz ordenimen, birneshe medalmen marapattalǵan», - dedi oblystyq PD Kadr saıasaty basqarmasy bastyǵynyń orynbasary Baýyrjan Maksımov.

Aıta keteıik, Aqtóbe oblysynda bıyl soǵys ardagerlerine 2 mıllıon teńge bólindi. Óńirde barlyǵy 20 ardagerdiń kózi tiri.


Сейчас читают
telegram