Aqtóbede maı zaýytynan órt shyqty
AQTÓBE. QazAqparat – Aqtóbede Hromtaý aýdany, Jazyq stantsııasyndaǵy maı zaýytynan órt shyqty, dep habarlaıdy QazAqparat tilshisi.
Búgin jergilikti ýaqytpen saǵat 08:43-te Hromtaý aýdandyq órt sóndirý bólimine Jazyq stantsııasyndaǵy maı zaýytynyń órtenip jatqandyǵy týraly habarlama tústi.
«Saǵat 09:17-de aýdandyq órt sóndirý jáne tótenshe jaǵdaılar bóliminiń jeke quramynan 32 qyzmetker, 7 tehnıka, sonymen birge Hromtaý qalalyq memlekettik emes órtke qarsy qyzmet bóliminen 5 adam, 1 tehnıka jiberildi. Maı zaýytynyń gaz keptirgishi órtendi. Aldyn ala aqparat boıynsha, zardap shekkender joq. Órttiń shyǵý sebepteri anyqtalýda. Órt sóndirýshiler áli zaýyttaǵy jalyndy sóndirip jatyr», - dedi oblystyq TJD baspasóz qyzmeti.
