Aqtóbede mas júrgizýshi joldan ótip bara jatqan turǵyndy qaǵyp óltirdi
AQTÓBE. QazAqparat – Aqtóbede 61 jastaǵy qala turǵyny aýrýhanada kóz jumdy. Ony júrginshiler jolynda kólik qaǵyp ketti, dep habarlaıdy QazAqparat tilshisi.
Buryn kólik júrgizý quqyǵynan aıyrylǵan aqtóbelik taǵy da ereje buzdy. Mas kúıinde jol-kólik oqıǵasyn jasady.
«Toıota Kamrı» avtokóliginiń 21 jastaǵy júrgizýshisi Aqtóbe qalasyndaǵy Tileý batyr kóshesi boıymen júrip, «Tumar» qonaqúıine qarama-qarsy bette júrginshini qaǵyp ketti. 61 jastaǵy jaıaý júrginshi jedel járdem aýrýhanasynyń jansaqtaý bólimine túsip, alǵan jaraqatynan qaıtys boldy. Qylmystyq kodekstiń «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzyp, abaısyzda adam ólimine ákep soqqan is-áreket» baby boıynsha sotqa deıingi tergeý bastaldy», - dedi oblystyq PD baspasóz qyzmetiniń jetekshisi Erbolat Sarqulov.
