Aqtóbede mas kúıinde kólik júrgizgen áıel qamaldy

AQTÓBE. QazAqparat – Aqtóbede mas kúıinde rýlge otyryp, jol erejesin buzǵan júrgizýshi áıel ustaldy, dep habarlaıdy QazAqparat tilshisi.

Aqtóbedegi patrýldik polıtsııa qyzmetkerleri Rıahov kóshesinde jol erejesin buzǵan 37 jastaǵy júrgizýshi áıeldi ustady. « Toyota RAV4» markaly avtokóliginiń júrgizýshisin tekserý kezinde áıeldiń mass kúıde rýlge otyrǵany, buǵan deıin kólik quralyn basqarý quqyǵynan aıyrylǵany anyqtaldy.

«Qazir Qylmystyq kodekstiń «Mas kúıinde kólik quraldaryn basqarý quqyǵynan aıyrylǵan adamnyń kólik quralyn basqarýy» baby boıynsha tergeý amaldary júrgizilip jatyr. Avtokólik arnaıy turaqqa qoıyldy. Áıel Aqtóbe qalasynyń ýaqytsha ustaý ızolıatoryna qamaldy»,- dedi oblystyq PD baspasóz qyzmetiniń jetekshisi Erbolat Sarqulov.