Aqtóbede mas kúıinde kisi óltirgen kúdikti ustaldy
AQTÓBE. QazAqparat – Aqtóbede ishimdik iship, daý-janjal týyndaǵan kezde biri ekinshisine pyshaq suǵyp alǵan. Kúdikti ustalyp, qamaldy, dep habarlaıdy QazAqparat tilshisi.
Aqtóbe qalalyq polıtsııa bóliminiń jedel basqarý ortalyǵyna er adam qońyraý shalyp, Kýtýev kóshesinde ornalasqan úıde jalǵyz turatyn týysynyń denesin tapqanyn habarlady.
«Oqıǵa ornyna barǵan jedel-tergeý toby shamamen 45 jastaǵy adamnyń denesin tapty. Onyń keýdesinde pyshaq jaraqaty bolǵan. Polıtsııa qyzmetkerleriniń jedel izdestirý sharalarynyń nátıjesinde 44 jastaǵy er adam ustaldy. Ol 22 tamyzda jábirlenýshiniń úıinde ishimdik ishken. Keıin ekeýi sózge kelip, pyshaq suǵyp alǵan. Jınalǵan dáleldemelerdiń jıyntyǵy negizinde qylmystyq is qozǵalyp, kúdikti qamaldy», - dedi oblystyq PD baspasóz qyzmetiniń jetekshisi Erbolat Sarqulov.
Qazir Qylmystyq kodekstiń «Adam óltirý» baby boıynsha sotqa deıingi tergep-tekserý júrgizilip jatyr. Ózge málimetter tergeýge baılanysty jarııa etilmeıdi.
