Aqtóbede Mártók aýdany ákiminiń qyzmetine Nurjan Maqsatov taǵaıyndaldy
AQTÓBE. KAZINFORM - Jańa ákimge aýdannyń ekonomıkalyq belsendiligin arttyrý, ınvestıtsııalyq jobalardy jandandyrý, qurylys pen ınfraqurylym jumystaryn jedeldetý, shaǵyn jáne orta bıznesti qoldaý tapsyryldy. Nurjan Maqsatov buǵan deıin oblystyq ekonomıka jáne bıýdjettik josparlaý basqarmasynyń basshysy boldy.
Nurjan Maqsatov 2014 jyly Qazaqstan-Brıtan tehnıkalyq ýnıversıtetiniń qarjy, 2018 jyly QR Prezıdenti janyndaǵy Memlekettik basqarý akademııasyn memlekettik jáne jergilikti basqarý mamandyqtary boıynsha támamdaǵan. Eńbek jolyn 2014 jyly Aqtóbe oblysynyń ındýstrııalyq-ınnovatsııalyq damý basqarmasynyń is qaǵazdaryn júrgizý ınspektory bolyp bastaǵan. Keıin qyzmetin bas mamany, ındýstrııalyq damý bóliminiń bas mamany, bólim basshysy bolyp jalǵastyrdy. 2020 – 2022 jyldary aralyǵynda Aqtóbe oblysynyń ekonomıka jáne bıýdjettik josparlaý basqarmasy basshysynyń orynbasary bolyp, 2022 jyldyń jeltoqsan aıynan bastap basshysy qyzmetin atqardy.
- Oblys ákimi aldymen eldi mekenderdiń tazalyǵyn qamtamasyz etý, «Taza Qazaqstan» baǵdarlamasy aıasyndaǵy jumysty júıeleý jáne abattandyrý máselelerine nazar aýdardy. Sonymen qatar «Zań men tártip» qaǵıdatyn nyǵaıtý, quqyq buzýshylyqtyń aldyn alý jáne qoǵamdyq qaýipsizdikti qamtamasyz etý boıynsha jumysty kúsheıtýdi tapsyrdy. Aýdannyń ekonomıkalyq belsendiligin arttyrýǵa da basymdyq berildi. Investıtsııalyq jobalardy jandandyrý, qurylys pen ınfraqurylymdyq jumystardy jedeldetý, shaǵyn jáne orta bıznesti qoldaý boıynsha naqty jumys júrgizý qajettigi aıtyldy. Sondaı-aq paıdalanylmaı turǵan sýarmaly jerlerdi qaıtadan aýyl sharýashylyǵy aınalymyna engizý máselesi kóterildi. Aýdan ákimdigine tıisti mekemelermen birlesip, sýarý júıesine qatysty máselelerdi sheshý jáne alqaptardyń tıimdi paıdalanylýyn qamtamasyz etý tapsyryldy,- dep habarlady Aqtóbe oblysy ákiminiń baspasóz qyzmeti.
Sonymen birge paıdalanylmaı jatqan jáne ıgerilmegen jer ýchaskelerin aýyl sharýashylyǵy aınalymyna qaıtarý jumysy júıeli júrgizilýi tıis.
Eske salsaq, búgin Yrǵyz aýdany ákimi qyzmetine Rústem Óteshov taǵaıyndaldy.
