Fýtboldan birinshi lıgada «Oqjetpes» túrkistandyq klýbtan jeńilip qaldy

ASTANA. KAZINFORM - Fýtboldan birinshi lıga komandalary arasyndaǵy Qazaqstan chempıonatynyń ekinshi týrynda Kókshetaýdyń «Oqjetpesi» qarsylasyna ese jiberdi.

Byltyr Premer-lıgada baq synaǵan kókshetaýlyq komanda oılamaǵan jerden upaı joǵaltty. Qarsylasy - Túrkistan oblysynyń «Jetisaı» klýby. Bul ujym bıyl ekinshi lıgadan birinshi lıgaǵa shyqqan edi.

Soǵan qaramastan túrkistandyq klýb atalǵan kezdesýde senimdi oıyn kórsetti. Nátıjesinde qarsylas qaqpasyna jaýapsyz eki gol soqty.

Osylaısha «Jetisaı» 2:0 esebimen jeńiske jetip, týrnır kestesindegi jaǵdaıyn jaqsarta tústi.
Qazirge deıin aıaqtalǵan qalǵan oıyndarda óz alańynda «SD Family» «Qaısar-Jasty» 3:0 esebimen jeńse, «Qaırat-Jastar» «Tarazǵa» 0:1 esebimen ese jiberdi.

Al «Arys» pen «Han Táńiri» 0:0, «Aqtóbe-Jas» pen «Túrkistan» 1:1 esebimen teń tússe, «Ekibastuz» ben «Qyran» kezdesýi keıinge qaldyryldy.

Endi 12 sáýirde «Kaspıı» men «Altaı», «Ulytaý» men «Aqjaıyq» kezdesedi.

Eske salsaq, búgin fýtboldan Eýropa jáne Konferentsııa lıgalarynyń shırek fınaly bastalady.