Aqtóbede maldardyń neden ýlanǵany belgili boldy
AQTÓBE. QazAqparat -Aqtóbeniń Hromtaý aýdany, Qopa aýylynda sharýa qojalyǵyndaǵy iri qaradan aýrý anyqtaldy. Qojalyq basshylyǵy maldyń ýlanýyna shóptiń áseri bar ekenin aıtty, dep habarlaıdy QazAqparat tilshisi.
Buǵan deıin habarlaǵanymyzdaı, asyl tuqymdy iri qara ósiretin «Aktep» JShS-de 100-den astam maldyń kózi joıyldy. Múıizdi iri qaradan aýrý anyqtalyp, veterınar dárigerler birneshe synama aldy. Bul jaǵdaıǵa baılanysty sharýa qojalyǵynyń ıesi óz oıyn áleýmettik jeli arqyly bildirdi.
«Meniń sharýa qojalyǵymdaǵy iri qara maldy májbúrli túrde soıýǵa týra keldi. Іri qara óleksesi kómildi. Malǵa jem-shóp beretin aýmaq túgel baqylaýǵa alynyp, tekserildi. Jem-shóptiń bir bóligi men soıylǵan maldan synama alynyp, veterınarlyq laboratorııaǵa jóneltildi. Nátıjesinde iri qara maldyń ýlanǵany, aǵzadan alkoloıd anyqtaldy. Ýly shópten shyǵyn boldy. Negizi sharýashylyqqa jem-shópti jumysshylar daıyndaıdy. Qazir sharýashylyqta ishki tekserý jumysy bastaldy. Quqyq qorǵaý organdaryna aryz jazyldy. Zertteýdi qajet etetin maldyń bir bóligi tońazytqyshta saqtaýly tur. Bul iri qaranyń eti bazarǵa túsken joq, satylaıdy»,- dedi «Aqtep» JShS-niń dırektory Orazaq Samuratov.
