Aqtóbede maldan qarasan aýrýy anyqtalyp, qystaqta karantın jarııalandy

AQTÓBE. KAZINFORM – Oıyl aýdany Shubarshı aýyly Taýshanbaz qystaǵyndaǵy sharýa qojalyǵynyń malynan qarasan anyqtaldy. Qystaqta karantın jarııalandy.

 сиырлар
Фото: Мақсат Шағырбаев/ Kazinform

«Mátjan» sharýa qojalyǵynyń basshysy 12 aqpan kúni Qoptoǵaı aýyldyq okrýginiń veterınarııalyq pýnktine habar bergen. Ol sol kezde 4 bas iri qaranyń ólgenin aıtqan. 

— Birden veterınar mamandar baryp, patologııalyq materıal alyndy. Ólgen janýarlardan alynǵan materıal dıagnoz qoıý úshin Aqtóbe oblystyq veterınarııalyq zerthanasyna jiberildi. Veterınarııalyq zerthananyń saraptama aktisiniń nátıjesi boıynsha qarasanǵa oń nátıje kórsetti. Ólgen janýarlardyń óleksesi mal qorymyna shyǵarylyp joıyldy, qalǵan janýarlar veterınarlyq mamandardyń baqylaýynda. 27 aqpanda Kóptoǵaı aýyldyq okrýginiń ákiminiń sheshimimen «Mátjan» sharýa qojalyǵynda múıizdi iri qara maldarynyń arasynda qarasan juqpaly aýrýynyń anyqtalýyna baılanysty karantın belgilendi. Epızootııaǵa qarsy otrıady saýyqtyrý is-sharasyn júrgizedi, — dep habarlady Aqtóbe oblystyq veterınarııa basqarmasy. Aqparatqa súıensek, «Mátjan» sharýa qojalyǵynda 243 bas iri qara, 700-den astam usaq mal men 7 bas jylqy bar. 

Eske salsaq, eki jyl buryn Alǵa aýdany Toqmansaı aýyldyq okrýginde «Óletti» sharýa qojalyǵynda 9 bas iri qara óldi. Keıin maldyń qarasan aýrýynan ólgeni anyqtaldy

Сейчас читают