Aqtóbede mal urlyǵymen aınalysqan qylmystyq top ustaldy
Aqtóbe oblystyq polıtsııa departamentiniń habarlaýynsha, quqyq qorǵaýshylar Hromtaý aýdanynda úsh kúdiktini ustady. Olar jaıylymnan mal urlap, soıyp alǵan.
«Tergeý barysynda olardyń 3-4 kún saıyn mal urlaǵany anyqtaldy. Kúdiktilerdiń biriniń aıtýynsha, ol maldy jaıylymnan aıdap áketip, baılap qoıǵan. Keıin sybaılastaryna habarlasqan. Al olar bolsa «GAZel« avtokóligine tıep, Aqtóbe qalasyna aparǵan. Olar urlanǵan maldy soıyp satqan jáne mal bazarynda tirideı ótkizgen. Zattaı aıǵaqtar tirkeldi. Sondaı-aq, Aqshat kentinde ustalǵandardyń biriniń úıiniń janynda bes iri qara terisi, 2 pyshaq, arqan tárkilendi» - dedi PD krımınaldyq polıtsııa basqarmasynyń bastyǵy Serik Shalharov.
Qazirgi ýaqytta Hromtaý aýdanynyń aýmaǵynda buryn jasalǵan mal urlyǵynyń 9 faktisi boıynsha qylmystyq is qozǵaý úshin jábirlenýshilerdi anyqtaý boıynsha is-sharalar júrgizilip jatyr.
Qylmystyq kodekstiń «Mal urlyǵy» baby boıynsha sotqa deıingi tergeý bastaldy.
