Aqtóbede makýlatýra jáne polıetılen qaldyqtaryn qabyldaıtyn pýnkt ashyldy
AQTÓBE. QazAqparat - Aqtóbede makýlatýra jáne polıetılen ydystardyń qaldyqtaryn qabyldap, qaıta óńdeýge jiberetin pýnkt ashyldy, dep habarlaıdy «QazAqparat» tilshisi.
«Taza qala» JShS óndiristik bóliminiń basshysy Álibek Qarabasovtyń aıtýynsha, pýnktte karton qaǵaz, shyny ydystar, synǵan shólmekter, kanıstralar, qaptar qabyldanady eken.
Qala turǵyndary kelip qansha aqsha tólenetinin suraýda. Jergilikti balalar sál de bolsyn tabys taýyp, pýknkte turmystyq qaldyqtardy ákelip ótkizip jatyr.
«Bólek jınalatyn qaldyqtar úshin biz kópqabatty úılerdiń aýlasyna turmystyq qaldyqtardy iriktep salatyn arnaıy eýrojáshikter ornattyq. Ondaı jáshikter qazir 11, 12 shaǵyn aýdan men ıÝnıs-sıtıde bar. Biz eki aptanyń ishinde 3-4 tonna karton, 2 tonna PET bótelke jınap úlgerdik. Jınaǵan qaldyqty qaıta óńdeýge ótkizemiz», - dedi Qarabasov.
PET bótelkelerdiń kelisine 20 teńge tólenedi eken. Karton jáne qaǵaz - 8 teńge, polıetılen paket - 20 teńge, paıdalanylǵan qaptar 4 teńgeden, shyny shólmek - 2 teńge. Pýnkt aptanyń jeti kúninde de jumys istep turady.
«Baǵalar ózgeredi. Jýyqta taǵy birneshe qabyldaý núktelerin ashýdy josparlap otyrmyz», - dedi Qarabasov.
