Aqtóbede magıstratýra talapkerleriniń testileýi kezinde 600-den astam telefon tárkilendi

AQTÓBE. QazAqparat - Aqtóbede magıstratýra talapkerleriniń testileýine qatysýshylar muqııat tekserildi. Úsh kúnde 616 telefon tárkilendi, dep habarlaıdy QazAqparat tilshisi.

«Aqtóbe – adalyq alańy» jobalyq keńsesi magıstratýra testileýine qatysty. Tamyzdyń 10-14 aralyǵyndaǵy testileýdiń alǵashqy úsh kúni baqylaýshylardy tańqaldyrdy.

«Testileý Q.Jubanov atyndaǵy Aqtóbe óńirlik memlekettik ýnıversıtetiniń bazasynda ótip jatyr. Ashyqtyq pen ádildikti baqylaǵan «Aqtóbe - adaldyq alańy» jobalyq keńsesiniń músheleri testileýdi kórip, jaǵalaryn ustady. Úsh kúnde 616 telefon tárkilendi. Barlyǵy 29 talapkerdiń nátıjesi joıyldy. Al 572 adamnyń tek 32-i shekti baldy jınady», - dep habarlady «Aqtóbe – adalyq alańy» jobalyq keńsesiniń baspasóz qyzmeti.