Aqtóbede lombardty tonamaq bolǵan qaraqshy kúzetshiden qorqyp qashty
AQTÓBE. QazAqparat - Aqtóbede lombardqa qaraqshylyq shabýyl jasaǵan belgisiz er adam izdestirilip jatyr, dep habarlaıdy QazAqparat tilshisi.
Oqıǵa 4 naýryz kúni shamamen saǵat 15:40-ta bolǵan. Nysannyń beınebaqylaý kamerasynan alynǵan vıdeo áleýmettik jelide tarady. Onda qara tústi betperde kıip, tapanshamen qarýlanǵan er adam kúzetshige qarsy eki ret oq atqany kórinedi. Kúzetshi dereý jasyrynady. Qaraqshy shyny vetrınalardy syndyrýǵa kirisken sátte, mekeme kúzetshisi qarýyn alyp shyǵyp, qarsy oq atady. Qaskóı izin sýytyp úlgeredi.
«Medıtsınalyq betperde kıip alǵan belgisiz bireý qolyndaǵy travmatıkalyq qarýmen Zavodskaıa kóshesindegi lombard qyzmetkerlerin qorqytyp, tonamaq boldy. Sol kezde kúzetshi qarsylyq kórsetken. Qazir oqıǵaǵa qatysty tergeý bastaldy. Jedel izdestirý sharaly júrip jatyr», - dedi oblystyq Polıtsııa departamentiniń baspasóz qyzmetinen.
