Aqtóbede lıft shyǵaratyn kásiporyn salynady
AQTÓBE. QazAqparat – «Aqtóbe» áleýmettik-kásipkerlik korporatsııasy men «Zaman treıd» seriktestigi memorandýmǵa qol qoıdy. Túrik ınvestorlarynyń qoldaýymen óńirde lıft shyǵaratyn kásiporyn salynady, dep habarlaıdy QazAqparat tilshisi.
Aqtóbede lıft jóndeý, qondyrý isi shaǵyn kásipkerlerdiń qolynda. Ázirge jedelsaty qurastyryp, shyǵaratyn óndiris orny joq. Bul jobany «Zaman treıd» seriktestigi usyndy. «Aqtóbe» áleýmettik-kásipkerlik korporatsııasy men seriktestik ekijaqty memorandýmǵa qol qoıdy.
«Aqtóbe» ındýstrıaldy aımaǵynan 1 gektar jer beriledi. Jospar boıynsha 612 mıllıon teńge ınvestıtsııasy tartylady. Investıtsııa Túrkııadan bolady. Munda 15 jumys orny ashylady. Memorandýmǵa qol qoıyldy. Qazir qujattar óńirlik úılestirý keńesine ázirlenip jatyr», - dedi «Aqtóbe» ÁKK baspasóz qyzmetkeri Gúlvıra Seıtenova.
Kásiporynda lıft shyǵarylyp, montajdaý jumysy júrgiziledi. Qazaqstannyń batys aımaǵy men Reseıdiń kórshiles oblystaryna shyǵarylmaq.
Aıta keteıik, ındýstrıalyq aımaq 5 jyl buryn quryldy. Aqtóbe qalasynyń óndiristik aımaǵynda, «Batys Eýropa - Batys Qytaı» halyqaralyq kólik dáliziniń boıynda ornalasqan. Munda 6,2 mlrd teńgeniń 7 kásiporny jumys istep tur. 340 jumys orny ashyldy. Bıyl 5 kásiporyndy iske qosý josparlanyp otyr. 315 jańa jumys orny qurylady. Investıtsııanyń jalpy somasy - 21, 8 mlrd teńge.
