Aqtóbede laýazymdy ókilettiligin asyra paıdalaný deregi eki ese artty
Laýazymdyq ókilettiligin asyra paıdalaný 2018 jylmen salystyrǵanda eki ese artty, dep habarlaıdy QazAqparat tilshisi.
Aqtóbede jemqorlyqqa beıim salanyń biri - bilim. Oblystyq bilim basqarmasynyń qyzmetin taldaý kezinde tehnıkalyq jáne kásiptik bilim berý baǵdarlamalary boıynsha memlekettik tapsyrysty qamtyp otyrǵan kolledj emtıhan suraqtaryn ózderi bekitip, synaqty óz ǵımarattarynda ótkizgen. Bul emtıhan nátıjeli bolýy úshin tıimdi jaǵdaı jasaý túrindegi táýekelder túsindirildi. UBT ótkizý protsesine uqsas test qabyldaý pýnktteriniń aýdıtorııalyq qorlaryn paıdalaný týraly usynys engizildi.
Aıta keteıik, 2019 jyly Ákimshilik quqyqbuzýshylyq kodeksi boıynsha jeke tulǵalardyń zańsyz materıaldyq syıaqy berýdiń 5 deregi anyqtaldy. Olarǵa 2,5 mıllıon teńge aıyppul saldy.
«Protecting business and investments» jobasy aıasynda 2019 jyly ınvestıtsııalardy qorǵaý maqsatyndaǵy ınvestorlarmen jalpy somasy 598,3 mlrd teńgege 30 kelisim jasaldy. Búginde ınvestorlardyń 55 máselesi oń sheshimin tapty. Aqtóbe oblysy boıynsha sybaılas jemqorlyqqa qarsy qyzmet 2019 jyly 113 qylmysty anyqtady. Ósim bar. 2018 jylmen salystyrǵanda tirkelgen aýyr jáne asa aýyr qylmystardyń 5,6%, óskendigi anyqtaldy, sybaılas jemqorlyq qylmysy 20,3% ósti»,- dedi Sybaılas jemqorlyqqa qarsy is-qımyl agenttiginiń oblystyq departament jetekshisi Mırlan Muhambetov.
Ótken jyly bıýdjet qarjysyn jymqyrý jáne laýazymdyq ókilettigin teris paıdalaný faktisi artty.
«Laýazymdyq ókilettikterin asyra paıdalaný boıynsha 43 qylmys anyqtaldy. 2018 jyly 21 qylmys boldy. ıAǵnı, eki ese artyp otyr. Bıýdjet qarjysyn urlaý boıynsha - 38, paraqorlyq deregi boıynsha 21 qylmys tirkeldi. Oblysta barlyǵy 53 memlekettik qyzmetker qylmystyq jaýapqa tartyldy», - dedi Mırlan Muhambetov.
