Aqtóbede lańkestik kezinde áreketsizdik tanytqany úshin aıyptalǵan polıtseıler bosatyldy

ASTANA. QazAqparat - Aqtóbede lańkestik kezinde áreket jasamaǵany úshin aıyptalǵan polıtseıler Maqsat Shlıashev, Ermek Shoqanovty sotqa deıin kepilmen bosatty, dep jazdy diapazon.kz.

Atap ótsek, aıyptalýshylardyń týystary oblystyq prokýratýra ǵımaratynyń janynda birneshe saǵat turdy. Olar týystarynyń esh kinási joq dep sanaıdy. Polıtseılerdi prokýratýraǵa jaýap alýǵa shaqyrdy. Olar baspasózge suhbat berýden bas tartty. Ermek Shoqanov aıyptaý jaıynda ózi eshteńe bilmeıtinin aıtty.
Eske salsaq, bas prokýratýra «Áreket jasamaý» baby boıynsha jergilikti polıtsııa qyzmetiniń bastyǵy Maqsat Shlıashevqa jáne onyń orynbasary Ermek Shoqanovqa is qozǵady. Qylmystyq is materıaldaryna súıensek, Shlıashev pen Shoqanov 5 maýsymda 6655-áskerı bólimine shabýyldaǵan radıkaldardy ustaýǵa barabar shara qoldanbaǵan. Oqıǵa ornyna jergilikti polıtsııa qyzmetiniń qarýly qyzmetkerleri kelgenine qaramastan barlyq radıkaldar qashyp ketken, bul rette olar úsh adamdy óltirgen.