Aqtóbede lak-boıaý ónimderin shyǵaratyn zaýyt ashyldy
AQTÓBE. QazAqparat - "Aqtóbe" ındýstrııalyq aımaǵynda lak-boıaý ónimderin shyǵaratyn zaýyt ashyldy, dep habarlaıdy QazAqparat tilshisi.
Indýstrıaldy aımaqta ashylǵan joba quny - 320 mıllıon teńge. Sharaǵa "Aqtóbe" ÁKK basqarma tóraǵasy Rýslan Mamýnov jáne qalanyń qurmetti azamattary qatysty.
"Zaýytta jylyna 5 myń tonna boıaý jasalady. 15 adam jumyspen qamtylady. Bul jobanyń ereksheligi sol - sýdıspersııalyq boıaýlar evropalyq jáne amerıkalyq jańa tehnologııa boıynsha daıyndalady. Óndiris tolyqtaı avtomattandyrylǵan. Boıaý jasaý kezinde qorshaǵan ortaǵa zııandy zattar men shań bólinbeıdi, óıtkeni, shańdy fıltrleý júıesi ornatylady. Shıkizat retinde qazaqstandyq kaltsıı karbonaty jáne eýropalyq stırol-akrılat polımer qoldanylady. Ónimdi Qazaqstan jáne Reseı naryǵyna shyǵarý josparda bar", - dep habarlady "Aqtóbe" ÁKK-niń baspasóz qyzmeti.
Kásipkerler suranys artady degen senimde.
"Bolgarııanyń Sofııa qalasynda osyndaı úsh zaýytymyz bar. Bizdiń ónim nemis sapasyna saı, ekologııalyq taza, sondyqtan, jyl ótken saıyn bizdiń boıaýǵa suranys artyp keledi. Taýarymyzdy qazir Serbııa, Makedonııa, Moldavııa sekildi Balqan túbegi elderine jóneltip otyrmyz. Qazaqstanda da ónimge suranys bolady dep oılaımyn", - dedi "STROM-21" kompanııasynyń dırektory Nıkolaı Georgıev.
Aıta keteıik, ındýstrıaldy aımaqta qaǵaz óńdeý zaýyty salynady. Búgin alǵashqy irgetasy qalandy. Joba quny - 300 mıllıon teńge. Aldaǵy ýaqytta 57 adam jumysqa qabyldanady. Bul óndiris orny qaǵazdy qaıta óńdeýge múmkindik beredi.
