Aqtóbede lagerge baratyn balalardan koronavırýsqa qarsy synama alynady
AQTÓBE. QazAqparat - Aqtóbede mektep janyndaǵy, shatyrly lagerlerge ruqsat berilmedi. Alaıda qala syrtyndaǵy jazǵy lagerler 11 maýsymda óz jumysyn bastaýy múmkin, dep habarlaıdy QazAqparat tilshisi.
Aqtóbe oblystyq bilim basqarmasynyń basshysy Lázzat Orazbaeva jergilikti arnanyń tikeleı efırinde balalardyń jazǵy demalysy týraly aıtyp berdi.
«Eger epıdemıologııalyq jaǵdaı turaqty bolsa, jazǵy lagerler 15 maýsym kúni óz jumysyn bastaı alady. Qala mańynda 11 lager bar. Qazir lager ıeleri daıyndyqty bastady. Tek joldama qunyna PTR testileý kiredi. ıAǵnı, balalar synama tapsyrady. 100-150 baladan qabyldaıtyn bolamyz. Qyzmetkerler de, balalar da 2 apta lagerden shyqpaıdy. Jyldaǵydaı ózge oblystarǵa jibere almaımyz», - dedi basqarma basshysy.
Aıta keteıik, Aqtóbe oblysynda sońǵy táýlikte taǵy 4 adam indetke shaldyǵyp, vırýs juqtyrǵandar sany 338-ge jetti. Onyń teń jartysynan astamy emdeldi.
