Aqtóbede «qyzyl» mártebesi bar 70 adamǵa aıyppul salyndy
Aqtóbe oblysy boıynsha 4 myńnan astam kásipkerlik nysan men mekeme «Ashyq» qosymshasyn engizgen.
«Kóshbasshy» mártebesin alǵan 69 kásipkerlik nysan ýaqyt shekteýin sozyp, jumys isteýge ruqsat aldy.
«Ashyq» qosymshasy arqyly «sary» mártebesi bar 232 adamnyń karantın shekteýin saqtamaǵany anyqtaldy. Olardyń bárine qaýly tanystyryldy. Sonymen birge «qyzyl» mártebesi bar 282 adam da tirkeldi. Tekserýden soń 70 adamǵa 3 mıllıon teńgeden astam aıyppul salyndy», - dedi Aqtóbe oblystyq sanıtarııalyq-epıdemıologııalyq baqylaý departamentiniń basshysy Nursulý Berkimbaeva.
3-9 qyrkúıek aralyǵynda monıtorıng toby men polıtsııa 26 materıaldy Aqtóbe oblystyq sanıtarııalyq-epıdemıologııalyq baqylaý departamentine jiberdi.
«Aqtóbede shekteý sharalaryn buzatyndar qatary azaımaı tur. Toı jasap, óziniń jáne jaqyndarynyń basyn qatergi tigedi. Saltanatty is-shara ótkizgenderi úshin «Han orda» jáne «Grand holl» meıramhanalaryna eki ret, sondaı-aq «Alasha», «Hanshaıym», «Baıterek» meıramhanalaryna da aıyppul salyndy. Maska taǵý tártibin saqtamaǵany úshin «Dına», «Anvar» sýpermarketterine jáne №51 marshrýt avtobýs júrgizýshisine qatysty ákimshilik shara qoldanyldy. Karantın rejımin saqtamaǵany úshin «Aqqý» saýda úıi úsh ret, «Araı» jáne «Nýrdaýlet» saýda úılerine eki ret, «Oskar» karaoke klýbyna jáne «Tıkled» dúkenine 2 ret aıyppul salyndy. Áleýmettik qashyqtyq saqtalmaǵany úshin «Dına» sýpermarketi de jazalandy. Buzýshylyqty joıý jóninde uıǵarym berildi», - dedi Nursulý Berkimbaeva.
