Aqtóbede qyzmet kórsetý oryndarynyń qyzmetkerleri 10 tamyzǵa deıin vaktsına alýǵa mindetti

AQTÓBE. QazAqparat - Aqtóbede 10 tamyzǵa deıin qyzmetkerleri vaktsınanyń eń bolmasa birinshi komponentin qabyldaýy tıis salalar anyqtaldy, dep habarlaıdy QazAqparat tilshisi.

Aqtóbe oblysynyń Bas memlekettik sanıtarııalyq dárigeriniń jańa qaýlysy shyqty. COVID-19-ǵa qarsy vaktsına saldyrmaǵan (medıtsınalyq qarsy kórsetilimderi bar jáne sońǵy 3 aı ishinde COVID-19-ben aýyryp, jazylǵan adamdardy qospaǵanda) adamdardyń jumys isteýin shekteý qarastyrylǵan. Talap boıynsha qyzmet kórsetý obektileri:

- Halyqqa qyzmet kórsetý ortalyqtary, «Qazposhta» AQ bólimsheleri, ekinshi deńgeıdegi bankter, qarjy naryǵynyń obektileri, saqtandyrý kompanııalary, jyljymaıtyn múlik jónindegi agenttikter, jarnama agenttikteri, aıyrbastaý pýnkti, lombard, sulýlyq salony, shashtaraz, hımııalyq tazalaý oryndary, kir jýý oryndary, fıtnes, sport keshenderi, sporttyq-saýyqtyrý ortalyqtary, SPA jáne massaj salondary/ortalyqtary/kabınetteri, monsha, saýna, basseın, jaǵajaı, tıpografııalyq kórsetiletin qyzmetter, tigin atelesi, fotosalon, aıaq kıim sheberhanalary, gúl dúkenderiniń, aıaq kıim, kıim jóndeý, uıymdastyrý tehnıkasyn jóndeý jónindegi servıs, notarıýs, býhgalter jáne konsaltıng, manıkıýr jáne pedıkıýr, kosmetologııalyq qyzmetterdi kórsetý jónindegi obektiler);
- halyq tutynatyn ónimderdiń jáne taýarlardyń kóterme jáne bólshek saýdasy (saqtaý) obektileriniń, onyń ishinde bazar, saýda úıi, saýda jelileri, saýda-oıyn-saýyq ortalyqtary, dúken, shaǵyn market, sýpermarket, gıpermarket;
- mádenıet jáne demalys obektileriniń (mýzeı, mýzeı-qoryqtar, kitaphana, kontserttik uıym, fılarmonııa, teatr, kınoteatr, kontsert zal, klýb, galereıa, kórme, tsırkter jáne basqa da mádenı-demalys uıymdary);
- halyqtyń turýy boıynsha qyzmetter kórsetý salasyndaǵy obektilerdiń (qonaq úı, otelder, hostel, motel, jataqhana, kempıng jáne taǵy basqalar);
- jolaýshylar tasymalyn júzege asyratyn uıymdardyń, áýejaı, temirjol, avtomobıl vokzaldarynyń, avtostantsııalar/avtoótpe joldarynyń, jolaýshylarǵa qyzmet kórsetý pýnktteriniń;
- bilim berý jáne tárbıeleý uıymdarynyń, onyń ishinde bilim berýdi damytý jáne túzetý ortalyqtarynyń (eresekter men balalarǵa arnalǵan), oqý-óndiristik kombınattardyń jáne basqa da mektepten tys uıymdardyń;
-sanatorıı-kýrorttyq jáne saýyqtyrý maqsatyndaǵy obektilerdiń (sanatorııler, demalys úıleri/bazalary/aımaqtary, profılaktorııler, balalardyń saýyqtyrý lagerleri (mektep janyndaǵy, qala syrtyndaǵy), týrıstik bazalar jáne basqalar);
qoǵamdyq tamaqtaný obektileriniń, onyń ishinde uıymdasqan ujymdarda ornalasqan, sondaı-aq tamaq jetkizýdi júzege asyratyn obektilerdiń, strıt-fýdtardyń;
- barlyq úlgidegi medıtsınalyq-áleýmettik obektilerdiń (qarttar, múgedekter úıleri, sábıler úıleri jáne basqalary);
- densaýlyq saqtaý uıymdarynyń, onyń ishinde zerthanalardyń;
- dárihana;
- tirshilikti qamtamasyz etý jáne kommýnaldyq sharýashylyq obektileriniń (sýmen jabdyqtaý, jylýmen jabdyqtaý, elektrmen jabdyqtaý, aýmaqtardy jınaý jáne qaldyqtardy shyǵarý, úı-jaılar men aýmaqtardy dezınfektsııalyq óńdeý boıynsha uıymdar, avarııalyq-qutqarý qyzmetteri, PIK jáne MIB jáne basqalary);
- ekskýrsııalyq qyzmet kórsetetin uıymdardyń;
- demalys obektileriniń, oıyn-saýyq oıyn obektileriniń (kompıýterlik klýbtar, bılıard zaldary, boýlıngter, oıyn-saýyq ortalyqtary/saıabaqtary, attraktsıondar, akvaparkter, karaoke, lotereıa klýbtary jáne lotereıa bıletterin satý jónindegi ózge de pýnktter/núkteler jáne basqalar);
- baılanys jáne telekommýnıkatsııa obektileriniń;
- ónerkásiptik kásiporyndardyń, uıymdasqan ujymdardyń;
- qylmystyq atqarý júıesi mekemeleriniń, kúshtik qurlymdardyń, memlekettik organdardyń qyzmetkerleri 10-tamyzǵa deıin COVID-19-ǵa qarsy vaktsınanyń birinshi komponentin, al 2021 jylǵy 1 qyrkúıekke deıingi merzimde vaktsınanyń ekinshi komponentin saldyrýy tıis.
Aqtóbe oblysynyń sanıtarııalyq-epıdemıologııalyq baqylaý departamentiniń habarlaýynsha, jaǵajaılardyń qyzmetine, sondaı-aq sý qoımalarynyń belgilenbegen jerlerinde shomylýǵa tyıym salyndy. Al akvaparkter qyzmetine ruqsat bar. Olar ashyq aýada, aldyn ala jazylý boıynsha qyzmet kórsetedi. Ári tolymdylyǵy 50% aspaýy tıis. Sondaı-aq adamdar 3 saǵat ǵana sýda shomyla alady.