Aqtóbede qyzǵa zorlyq kórsetken kúdikti oqıǵa ornynda ustaldy
AQTÓBE. QazAqparat - Aqtóbede Elek ózeniniń jaǵasynda kólik ishinde qyzǵa zorlyq kórsetken kúdikti ustaldy, dep habarlaıdy QazAqparat tilshisi.
Oqıǵa 8 shilde kúni bolǵan. Polıtsııa qyzmetkerleri Elek ózeni boıynda turǵan kólikke basa nazar aýdarǵan. Sol kezde kólik ishinen bir qyz júgirip shyǵyp, ózin zorlaǵanyn habarlady.
«Oqıǵa ornynda kúdikti men kólik júrgizýshisi ustaldy. Olar №3 Aqtóbe qalasy Almaty aýdandyq polıtsııa bólimine jetkizildi. Qylmystyq kodekstiń 120-baby 1-bóligimen (»Zorlaý«) is qozǵalyp, saraptama taǵaıyndaldy. Kúdiktiler úıqamaqqa alyndy. Tergeý kezinde is Qylmystyq kodekstiń 120-baby 2-bóligine qaıta ózgertildi», - dep habarlady oblystyq Polıtsııa departamentiniń baspasóz qyzmetinen.
Aıta keteıik, qylmystyq is oblystyq PD bastyǵynyń baqylaýyna alyndy.
