Aqtóbede qyzdarǵa shı toqýdy úıretetin mektep ashyldy
AQTÓBE. QazAqparat - Aqtóbe oblysynda jekeniń qolyndaǵy ǵımarat memlekettik mekemege berilip, kórkemsýret mektebine aınaldy. Qazaqstan ulttyq ıÝNESKO klýbtarynyń federatsııasyna múshe mektepte balalar qummen sýret salyp, shı toqıdy, dep habarlaıdy QazAqparat tilshisi.
Aqtóbe oblysy, Temir aýdanynyń ortalyǵy Shubarqudyqta Oqýshylar úıi men kórkemsýret mektebi jumys istep tur. Munda qyzdar shı toqyp, er balalar aǵash jonyp júr. Sýret salyp, grattaj ádisimen túrli buıymdar jasaıdy. Sonymen qatar, qyzdarǵa ásemdik syılaıtyn ulý baǵyp, tosap qaınatý, qysqa arnap kókónis tuzdaý úıretiledi.
«Aýdanda Oqýshylar úıi men kórkersýret mektebi jumys istep tur. Oqýshylar bos ýaqytynda qolóner buıymdaryn jasap, sheberlikterin shyńdap júr. Shynyn aıtqanda, aýdandaǵy eń alǵashqy «Tańsholpan» dámhanasy memleketke berilip, qaıta jóndeldi»,- dedi Temir aýdanynyń ákimi Joldas Qalmaǵambetov.
Oqýshylar úıiniń dırektory Samal Ermekqyzynyń aıtýynsha, Zoologııa úıirmesinde ulý ustaıdy. Ahatın tuqymdas ulýdy qyzdar tamaqtandyryp, bar kútimin jasady.
«Ulý ásemdik syılaıtyn jándik bolǵan soń qyzdar úıirmege kelip júr. Sulýlyq salony bolmaǵan soń tapsyrys qabyldamaımyz. Barlyǵy úsh top bar. Ózim Temir aýdanynyń Keńqııaq aýylynda bilim alyp, mektepten soń Q.Jubanov atyndaǵy Aqtóbe óńirlik ýnıversıtetiniń jaratylystaný mamandyǵyn bitirdim. Dıplom alǵan soń jas maman retinde Oqýshylar úıine jumysqa qabyldandym», - Oqýshylar úıiniń muǵalimi Aıagóz Jamaeva.
Oqýshylar sırek kezdesetin jemisten tosap daıyndaǵan. Zár shyǵarý júıesiniń aýrýlaryna, tumaý men sýyq tııýge qarsy emdik qasıeti bar fızalıs jemisi Reseı, Irak, Baltyq jaǵalaýy men Kavkazda jıi kezdeskenimen, Qazaqstan jerinde óte sırek ósedi.
«Fızalıs jemisiniń tuqymyn alyp, egip, balalar jaz aılarynda baptady. Aýladaǵy shaǵyn baqta ósken jemis bıyl ónim berip, qyzdar tosap daıyndady. Emdik qasıeti bar jemisti ósirip, damytýǵa, tabys kózine aınaldyrýǵa bolady. Bizde 750 bala úıirmelerge qatysady. Ár oqýshy óz talǵamy, tańdaýy boıynsha jańa dúnıelerdi úırenip júr», - dedi Oqýshylar úıiniń dırektory Samal Abdýllına.
Munda qyzdar shı toqýdy, er balalar aǵash jonyp, ulttyq buıymdardy daıyndap júr. Sheber Tólegen Qońyrbaevtyń aıtýynsha, respýblıkalyq «Nurly jer» baıqaýynda «Jylqylar» atty Altynaı Qojannyń jumysy І-oryndy jeńip aldy. Osy jeńis oqýshylarǵa jiger berip, olardyń qatary kún sanap artyp otyr.
Al kórkemsýret mektekbinde oqýshylary qummen sýret salady.
«Qumdy arnaıy tapsyryspen Astana qalasynan aldyryp jatyrmyz. Ázirge oqýshylar óz jerimizdegi qumdy paıdalanyp júr. Kórkemsýret mektebi taıaýda Almaty qalasyna baryp, Qazaqstan ulttyq ıÝNESKO klýbtarynyń federatsııasyna múshe boldy. Endi halyqaralyq, respýblıkalyq baıqaýlarǵa erkin shyǵyp, qatysamyz. Al kishkentaı sheberlerimizge klýb qarjylaı kómek beredi. Oqýshylar grattaj ádisin meńgerip júr. Maıshammen salynatyn sýret kópshilikti tańqaldyryp júr. Ári mektep ishinen qysqy baq ashyldy», - dedi mektep dırektory Maksım Cherkov.
Maksım Cherkovtyń ulty ýdmýrt bolsa da qazaq tilindi sóılep, balalaryna qazaqy tárbıe berip júr. Qazaq jerindi týyp, ósken ol óz ana tilin bilmeıdi, ata-babasy qonystanǵan elge barmaǵan. Onyń armany, balalardy ózi biletin ónerge baýlyp, urpaq tárbıesine úles qosý. 
