Aqtóbede qyz zorlaǵan kúdiktiler qamaýǵa alyndy
AQTÓBE. QazAqparat – Aqtóbede qyzǵa zorlyq kórsetti dep kúdikke ilikken eki er adam buǵan deıin úıqamaqta bolsa, endi olar tergeý aıaqtalǵansha qamaýda otyrady, dep habarlaıdy QazAqparat tilshisi.
Buǵan deıin habarlaǵanymyzdaı, Elek ózeni jaǵasynda kólik ishinen bir qyz júgirip shyǵyp, ózine zorlyq kórsetilgeni týraly polıtsııaǵa aıtqan bolatyn. Osy derekke qatysty qylmystyq is qozǵalyp, tergeý júrdi.
«Qylmystyq kodekstiń 120-baby 1-bóligimen («Zorlaý») is qozǵalyp, saraptama taǵaıyndaldy. Kúdiktiler úıqamaqqa alyndy. Tergeý kezinde is Qylmystyq kodekstiń 120-baby 2-bóligine qaıta ózgertildi. Alǵashynda kúdiktiler úıqamaqta boldy. Keıin ekeýi de tergeý ızolıatoryna qamaldy», - dep habarlaıdy oblystyq polıtsııa departameniniń baspasóz qyzmeti.
