Aqtóbede qysqy Azıada-2011 alaý estafetasyna qatysý úshin daıyndyq júrip jatyr
AQTÓBE. 6 qańtar. QazAqparat /Samal Endibaeva/ - Aqtóbeniń jergilikti atqarýshy organdary 2011 jylǵy jetinshi qysqy Azıada-2011 alaý estafetasyna qatysý úshin daıyndalý ústinde.
Atalmysh is-sharany ótkizý jáne oǵan daıyndyq máseleleri qalalyq ákimdikte bolǵan keńeste talqylandy.
Alaý estafetasy Aqtóbede 2011 jyldyń 19 qańtarynda ótedi. Alaýgerler qala kóshelerimen júrip ótedi, odan keıin Qazaqstan Respýblıkasynyń Tuńǵysh Prezıdenti Nursultan Nazarbaevtyń atyndaǵy saıabaqqa at basyn tireıdi. Bul jerde Olımpıada alaýyna arnalǵan saltanatty shara men gala-kontsert uıymdastyrylady.
Osyǵan oraı qala ákimi Arhımed Muhambetov qala turǵyndaryn osy ataýly shara týraly aqparattandyrý, sherý ótetin kóshelerdi abattandyrý jáne bezendirý, osy kúni kólik qozǵalysyna shekteý qoıý týraly birqatar tapsyrmalar berdi.
