Aqtóbede qylmys eń jıi tirkeletin 4 demalys orny anyqtaldy
AQTÓBE. QazAqparat - Aqtóbe qalasyndaǵy ıÝta, Rahat, Taıqazan, Artsah meıramhana-dámhanalarynda jıi tóbeles bolady. Telefon urlanyp, sómkedegi zattar joǵalady, dep habarlaıdy QazAqparat tilshisi.
Aqtóbe qalasy boıynsha qylmys jıi tirkeletin aýdandar avtopatrýldiń baqylaýyna alynǵan. Polıtsııa qyzmetkerleri juma, senbi kúnderi tańǵa deıin jumys isteıtin dámhanalardy qadaǵalaıdy. Degenmen ishimdik ishken adamdar tóbeles shyǵaryp, demalys oryndarynan kesh shaqyrýlar túsip jatady.
«Demalys kúnderi adamdar bir dámhanadan shyǵyp, ekinshisine barady. Sóıtip tańǵa deıin ishimdik ishedi. Al dámhana ıeleri urys-keris bastalǵan kezde olardy dalaǵa shyǵaryp jiberip, polıtsııaǵa kesh habarlap jatady. Qylmys Aqtóbe qalasynyń ıÝta, Rahat, Taıqazan, Artsah meıramhana-dámhanasynda jıi bolady. Máselen, ótken jyly 1 myńǵa jýyq shaqyrý tústi. Onyń 344-i qylmys, ózgesi ákimshilik quqyqbuzýshylyq. Bir jyl ishinde ıÝta dámhanasynan 107 , Rahattan 110, Taıqazannan 89, Artsahtan 99 shaqyrý boldy. Aldaǵy ýaqytta jergilikti bılik, prokýratýramen birge jumysty jalǵastyramyz»,- dedi Qanybek Jaqsyǵalıev.
Aqtóbe qalasyndaǵy meıramhanalarda qondyrylǵan beınekameralardyń sapasy nashar. Olar kirip-shyqqan adamdardyń sulbasyn anyq kórsete almaıdy. Aqtóbe oblystyq jergilikti polıtsııa qyzmeti terrorızmge qarsy kúres jumystaryn negizge alyp, aıyppul salýǵa kóshti. Qanybek Jaqsyǵalıevtiń aıtýynsha, aıyppul kólemi 500 myń teńgege deıin jetedi.
«Biz jastar jıi bas qosatyn, ishimdik ishetin demalys oryndaryn bilemiz. Meıramhana-dámhanalardyń jabylatyn ýaqyty belgili. Ótken jyly 20-ǵa jýyq oıyn-saýyq keshenderin ishimdik satqany úshin ákimshilik jaýapkershilikke tartqan bolatynbyz. Olar jasy 21-ge tolmaǵan balalarǵa ishimdik satqany belgili boldy. Keıbiri bir aı araq-sharap satý quqyǵynan aıyryldy. Bul jaza mardymsyz bolyp tur», - dedi oblystyq jergilikti polıtsııa qyzmetiniń bastyǵy Q.Jaqsyǵalıev.
Aıta keteıik, ótken jyly oblys boıynsha 60 myńǵa jýyq adam qoǵamdyq tártipti buzǵany úshin jazalandy. Onyń 6 myńnan astamy uzaq quqyqbuzýshylyq.
