Aqtóbede kúıik shalǵan temirjolshynyń biri aýrýhanada kóz jumdy
AQTÓBE. KAZINFORM - Eki temirjolshy da buǵan deıin Shalqar aýdanynan №1 Aqtóbe qalalyq kópsalaly aýrýhanasyna jetkizilgen. Alaıda bireýiniń ómirin saqtap qalý múmkin bolmady.
Aqtóbe oblystyq densaýlyq saqtaý basqarmasy baspasóz qyzmetiniń habarlaýynsha, kúıik shalǵan jumysshylar Shalqar aýdandyq aýrýhanasynan №1 Aqtóbe qalalyq kópsalaly aýrýhanasyna jetkizilgen, em júrgizilgen. Keıin bir naýqas sanavıatsııamen Astana qalasyna jiberildi. Bir jumysshy keshe aýrýhanada kóz jumdy.
Eske salsaq, oqıǵa 13-qazan kúni boldy. Jábirlenýshiniń qyzy Almagúl Qasymova sol kezde ákesiniń jaǵdaıy aýyr ekenin aıtyp, kómek surady.
Aqtóbe oblystyq eńbek ınspektsııasy departamenti bolsa tergep-tekserý júrgizip jatqanyn habarlady. Eki jumysshy QTJ mekemesine qarasty ekpe aǵashtar dıstantsııasynda jumys istedi. Órt janar-jaǵarmaıdy quıyp jatqan kezde shyqqan.
