Aqtóbede qutqarýshylar sýdan eki adamnyń denesin alyp shyqty

AQTÓBE. QazAqparat – Aqtóbede qutqarýshylar 2 jáne 4 metr tereńdikten eki adamnyń denesin alyp shyqty. Qaıǵyly oqıǵanyń biri qalada, biri aýylda boldy, dep habarlaıdy QazAqparat tilshisi.

Ótken táýlikte 2 qaıǵyly oqıǵa boldy. Saǵat 22:06-da Aqtóbe oblystyq TJD kezekshilik-dıspetcherlik basqarý pýltine qaladaǵy «Tropicana» jaǵajaıynda er adamnyń sýǵa ketkeni týraly aqparat tústi. Shaqyrtý ornyna qutqarýshylar dereý jetken kezde 27 jastaǵy aqtóbeliktiń jeke jaǵajaıda sýǵa ketkenin anyqtady. Onyń denesi jaǵadan 10 metr qashyqta 2 metr tereńdikten shyǵaryldy.

«Sondaı-aq, keshe Muǵaljar aýdany Qumjarǵan aýyldyq okrýgine qarasty Sheńgelshi aýylynda Jem ózenine 34 jastaǵy er adam batyp ketti. Almaty oblysy Taldyqorǵan qalasy turǵynynyń denesi 4 metr tereńdikten shyǵaryldy», - dep habarlady oblystyq TJD baspasóz qyzmetinen.

Qutqarýshylar sýǵa shomylý kezindegi qaýipsizdik sharalaryn eske salady:

- mas kúıinde jáne esirtkige masań kúıde sýǵa túsýge jáne shomylýǵa;

- qaıyqtardan, katerlerden, ótkelderden sekirýge;

- tekserilmegen jáne jabdyqtalmaǵan jerlerde sýǵa súńgýge;

- júzý shegin bildiretin belgilerden asýǵa;

- júzýge arnalmaǵan zattarmen júzýge;

- sý aıdyndaryn lastaýǵa jáne qoqys laqtyrýǵa;

- jalǵan dabyl berip, aıqaılaýǵa;

- balalarǵa eresekterdiń qaraýynsyz sýǵa kirýge ruqsat etilmeıdi.