Aqtóbede qutqarýshylar 53 adamdy evakýatsııalady

ASTANA. KAZINFORM — Búgin Aqtóbe oblysy Áıteke bı aýdanyndaǵy respýblıkalyq mańyzy bar avtojoldyń 950-shaqyrymynda 53 jolaýshy dalada qaldy. Bul týraly TJM baspasóz qyzmeti habarlady.

Jol qozǵalysynyń shektelýine baılanysty Belqopa aýyly baǵytyna jaıaý attanǵan 15 adam jáne «Shymkent–Máskeý» baǵytynda júrip kele jatqan avtobýstyń 38 jolaýshysy evakýatsııalanyp, jaqyn eldi mekendegi jylytý pýnkterine jetkizildi. Onyń 11-i Ózbekstan azamaty. Evakýatsııalanǵandar medıtsınalyq kómekke muqtaj bolǵan joq.

— TJM alys jolǵa shyǵar aldynda aýa raıyn eskerip, tótenshe qyzmetterdiń usynymdaryn saqtaý qajettigin eske salady, — delingen habarlamada.

Aıta keteıik, 7 jeltoqsanda respýblıkadaǵy qaı joldarda shekteý bar ekenin jazǵanbyz.