Aqtóbede kúshti jel saldarynan joldar jabyldy
AQTÓBE. QazAqparat – Aqtóbede qatty jel soǵyp, joldar jabyldy, dep habarlaıdy QazAqparat tilshisi.
Aqtóbe oblysy aýmaǵynda jel kúsheıip, boran soǵyp tur. Saldarynan joldar jabyldy.
«Samara-Shymkent tasjolynyń 776 shaqyrymynan 965 shaqyrymyna deıingi aralyq, «Aqtóbe-Orsk» tasjolynyń 39 shaqyrymynan 136 shaqyrymyna deıingi aralyq jabyldy. Ekeýi de respýblıkalyq mańyzy bar jol. Aqtóbe oblysy Polıtsııa departamenti jol qozǵalysynyń barlyq qatysýshysyna jol qozǵalysy erejelerin saqtaýdy, jolda óte muqııat bolýdy jáne alys is-saparlarǵa shyqpaýdy eskertedi», - dedi oblystyq PD baspasóz qyzmetiniń jetekshisi Erbolat Sarqulov.
