Aqtóbede qurylys nysandaryna kirpishter jetispeı jatyr
AQTÓBE. QazAqparat - Búgin óńirlik kommýnıkatsııalar qyzmetinde ótken baspasóz máslıhatynda Aqtóbe qalasynyń ákimi Іlııas Ispanov turǵyn úı qurylysy úshin qajetti kirpishterdiń jetispeı jatqanyn aıtty, dep habarlaıdy QazAqparat vedomstvonyń baspasóz qyzmetine silteme jasap.
«Bıyl oblys ákiminiń tapsyrmasy boıynsha 800 myń sharshy metr baspana salý kerekpiz. Bul byltyrǵydan 1,5 ese kóp. Qazirgi tańda aqtóbelik zaýyttar qajetti kirpishter sanyn shyǵarýǵa qaýqarly emes. Budan bólek, eski zaýyttardaǵy jabdyqtar keıde isten shyǵyp qalady. Biz Qostanaı jáne Qyzylorda oblystarymen kelissózder júrgizip jatyrmyz, biraq tasymaldaý shyǵyny turǵyzylyp jatqan baspananyń qunyna yqpal etýi múmkin», - dedi ákim.
Jergilikti kirpish zaýyttary jaǵdaıdy jaqsartý úshin óndiristi keńeıtip jatyr. Tamyzda «Kóktas Aqtóbe» kompanııasy jańa kirpish zaýytyn iske qosýdy josparlap otyr. Al, qazanda Aqtóbede gaz bloktaryn óndirý boıynsha «Ekoton» kompanııasy jańa zaýytty iske qosady.
