Aqtóbede quny 80 mln teńgeden asatyn aqbóken múıizi tárkilendi

AQTÓBE. QazAqparat – Aqtóbede quny 80 mln teńgeden asatyn aqbóken múıizi tárkilendi, dep habarlaıdy QazAqparat.

Іshki ister mınıstrligi baspasóz qyzmetiniń málimetinshe, 1 shildede PD JPQB qyzmetkerleri «Ohotzooprom» qyzmetkerlerimen birlese otyryp, «Mal bazary» mańyndaǵy Bogoslovka trassasynda 32 jastaǵy júrgizýshiniń basqarýyndaǵy Vaz 2110 kóligin toqtatqan. Kólikte 38 jastaǵy jolaýshy boldy.

Júksalǵyshtaǵy qaptan 31 dana aqbóken múıizi tabyldy. Tárkilengen múıiz boıynsha saraptama taǵaıyndaldy.

QR QK 339-baby 1-1-bóligi boıynsha tergeý áreketteri júrgizilip jatyr. Tárkilengen aqbóken múıiziniń qaıdan alynǵany anyqtalady.