Aqtóbede kúnnen qorǵamaıtyn áınek aıaldamalar qaıta jóndeledi
AQTÓBE. QazAqparat - Aqtóbede kún men jelden qorǵamaıtyn áınek aıaldamalar qaıda qalpyna keltiriledi. Jergilikti bılik aıaldama shatyryna qara plenka japsyrady, dep habarlaıdy QazAqparat tilshisi.
Aqtóbe qalasynda «oq ótpeıtin» áınekten aıaldamalar ornatylyp, árqaısysyna 1 mıllıon teńgeden astam qarjy jumsaldy. Bul aıaldamalar adamdardy kúnnen qorǵaı almaı, turǵyndardyń naryzylyǵyn týdyrdy. Aryz-shaǵymdy estigen jergilikti bılik endi aıaldama shatyryn qara plenkamen qaptaýdy jón kórip otyr.
«Aıaldamalardyń birneshe túrin qarastyryp jatyrmyz. Qatelik ketti. Qazir aıaldama shatyry kúnnen qorǵamaı tur, ony kóleńkeleımiz. Shamamyz kelgenshe zamanaýı aıaldama qoıýǵa kúsh salamyz. Ortalyqtaǵy eski aıaldamalardyń bárin ekinshi deńgeıli kóshege qoıyp, jańasyn ornatamyz», - dedi Aqtóbe qalalyq sáýlet jáne qala qurylysy bóliminiń basshysy Tanat Shegebaev.
Sonymen qatar, Aqtóbede kópqabatty turǵyn úıdiń qasbetin boıaý jalǵasady. Bul maqsatqa bıýdjette 20 mıllıon teńge bólingen.
