Aqtóbede quny 1,7 mlrd teńgeden asatyn jer ýchaskeleri memleketke qaıtaryldy
ASTANA. KAZINFORM- Aqtóbe qalasynyń prokýratýrasy qabyldaǵan qadaǵalaý sharalarynyń nátıjesinde jalpy aýdany 94 gektardan asatyn, quny 1,7 mlrd teńge bolatyn jer ýchaskeleri memleket menshigine qaıtaryldy. Tekserý barysynda jer ýchaskelerin zańsyz berý jáne zańdy kúshine engen sot sheshimderiniń oryndalmaý faktileri anyqtalǵan.
Aqtóbe oblystyq prokýratýrasynyń habarlaýynsha, prokýratýranyń jer zańnamasynyń saqtalýyna júrgizgen taldaýy jer ýchaskeleriniń belgilengen tártipti buza otyryp, onyń ishinde mindetti konkýrstyq rásimder ótkizilmeı berilgenin kórsetti.
Sonymen qatar jaldaý sharttary jaramsyz dep tanylǵannan keıin jer ýchaskelerin memleketke qaıtarý boıynsha ýaqtyly sharalar qabyldanbaǵan.
Osyǵan deıin BQO-da 6 myń gektardan astam paıdalanylmaǵan jer memleketke qaıtarylǵany týraly jazdyq.
