Aqtóbede qumdy zańsyz alǵan kompanııalarǵa aıyppul salyndy
«Jer qoınaýy jáne jer qoınaýyn paıdalaný týraly» kodeksi boıynsha paıdaly qazbalardy kásipkerlik maqsatta óndirý úshin lıtsenzııa alýy tıis. Qobda aýdanynyń prokýratýrasy tekserý júrgizip, birneshe zańsyzdyqty anyqtady.
«Qobda aýdany, Aqyrap aýylynan 6 shaqyrym jáne Qobda aýylynan 16 shaqyrym jerde «KTP» JShS men «Babek qurylys» JShS ruqsatsyz jumys istegen. Seriktestikter qıyrshyq tas pen jáne qum alǵan. Aýdan prokýratýrasy Aqtóbe oblysy boıynsha ekologııa departamentine zańdylyqty joıý týraly usyný engizdi. Ákimshilik quqyqbuzýshylyq kodeksi boıynsha «KTP» JShS 250 AEK, ıaǵnı, 600 myń teńgeden astam aıyppul tóledi. Qorshaǵan ortaǵa keltirgen zııan 1 mıllıon teńge shamasynda», - dep habarlady Aqtóbe oblystyq prokýratýrasynyń baspasóz qyzmeti.
Aıta keteıik, «Babek qurylys» JShS paıdaly qazbany zańsyz paıdalanǵany úshin 7 mln teńgeden astam aıyppul tóledi.