Aqtóbede qudyqqa qulaǵan balaǵa kómektesken oqýshy marapattaldy
AQTÓBE. KAZINFORM - Álisher Jangereev pen Álı Myrzaǵalı «Qutqarý operatsııalaryna belsendi qatysqany úshin» tósbelgisin taqty. Biri qulaǵan balany kórip, adamdardy kómekke shaqyrsa, ekinshisi qudyqqa túsip, alyp shyǵýǵa járdemdesti.
Oqýshy men jas jigitke tósbelgini Aqtóbe oblysy TJD bastyǵy Kaharman Orazalın tabys etti. Ekeýi de QR TJM Shyńǵys Árinovtiń buıryǵymen «Qutqarý operatsııalaryna belsendi qatysqany úshin» tósbelgisimen marapattaldy.
- Álisher Jangereev turǵyn úı aýmaǵynda júrgen kezde kómekke shaqyrǵan daýysty estip, birden izdestirý jumystaryn bastady. Ol qudyqqa qulap ketken balany taýyp aldy. Keıin kýágerlerdi shaqyryp, qutqarý jumystaryn uıymdastyrdy. №75 mekteptiń 11-synyp oqýshysy Álı Myrzaǵalı qudyqqa túsýge kelisip, balany joǵaryǵa kóterilýge kómektesti. Álı búginde QR TJM M. Ǵabdýllın atyndaǵy Azamattyq qorǵaý akademııasyna oqýǵa túsý úshin qujattaryn tapsyrdy,- dep habarlady QR TJM.
Eske salsaq, bıyl 6 naýryz kúni Aqtóbe qalasy Almaty aýdany Qarǵaly turǵan alabynda mektep oqýshysy qudyqqa túsip ketti. Qudyq janyna arnaıy belgi qoıylǵan. Qatty jel kezinde artqa qaraı júrgen oqýshy baıqaýsyzda shalynyp, qudyqqa qulaǵan. «Aqtobe su energy group» AQ habarlaýynsha, jeke kompanııaǵa tıesili bolyp shyqty.