Aqtóbede kóshi-qon zańnamasyn buzǵan 12 shetel azamaty elden shyǵaryldy

AQTÓBE. QazAqparat – Aqtóbede «Mıgrant» jedel aldyn alý sharasy ótti. Bir aptada 12 shetel azamaty el aýmaǵynan shyǵaryldy, dep habarlaıdy QazAqparat tilshisi.

Aqtóbe oblysy aýmaǵynda respýblıkalyq «Mıgrant» jedel-aldyn alý sharasy ótip jatyr. Zańsyz kóshi-qondy toqtatý, shetel azamattarynyń oblys aýmaǵynda zańsyz jumys isteýin joıý maqsatynda reıd uıymdastyryldy.

«Qazaqstan Respýblıkasy aýmaǵynda bolý erejesin buzǵan 61 adam, onyń ishinde 39 shetel azamaty anyqtaldy. Sheteldikterdi qabyldaý jáne sheteldik jumys kúshin paıdalaný erejelerin buzýǵa jol bergen 22 azamat ta ákimshilik jaýapqa tartyldy. Sot qaýlysymen 12 shetel azamaty el aýmaǵynan shyǵaryldy. Onyń bireýi Qytaı azamaty», - dedi oblystyq PD baspasóz qyzmetiniń jetekshisi Erbolat Sarqulov.